काही गोष्टी माझ्या कानावर आल्या पण...वडिलांना अंधारात ठेवून पार्थचा व्यवहार? अजित पवारांचा मोठा गौप्यस्फोट

मुंबई : पार्थ पवार यांच्यावर पुण्यातील कोरेगाव पार्कमध्ये असलेल्या महार वतनाशी संबंधित जमीन घोटाळ्याचे आरोप होत आहेत. मात्र या प्रकरणाचा माझ्याशी दुरान्वये देखील संबंध नाही. या प्रकरणाची सगळी माहिती घेऊन मी माध्यमांशी बोलेन पण थेट अजित पवार म्हणून मी कोणत्याही अधिकाऱ्याला फोन केला नाही, असे राज्याचे उपमुख्यमंत्री अजित पवार यांनी स्पष्ट केले. त्याचवेळी घरातील मुले सज्ञान झाल्यावर आपापल्या पद्धतीने उद्योग व्यवसाय करीत असतात. तीन चार महिन्यांपूर्वी काही गोष्टी माझ्या कानावर आल्या होत्या. परंतु कायद्याच्या बाहेर जाऊन काहीही करायचे नाही, अशा स्पष्ट सूचना त्यावेळी दिल्या होत्या, असे सांगून मला अंधारात ठेवून हा व्यवहार झाल्याचेच अजित पवार यांनी अप्रत्यक्षपणे सांगण्याचा प्रयत्न केला.