महाराष्ट्रातील या गावात साजरा होतो गाढवांचा पोळा; गृहिणी करतात भक्तिभावानं पूजा

पोळ्याच्या दिवशी गाढवांना आंघोळ घातली जाते. त्याला बैलाप्रमाणे सजविले जाते. वेगवेगळ्या रंगाने रंगविले जाते. संध्याकाळी सर्व गाढवांना एका ठिकाणी उभे करून त्यांची हळद कुंकू वाहून पूजा केली जाते. घरात बनविलेल्या पुरणपोळीचा नैवेद्य त्यांना अर्पण केला जातो. गाढवांना ठोंबरा (भिजवून ठेवलेल्या ज्वारीच्या कणकीचा गोळा) खाऊ घातला जातो. पुरुषांप्रमाणेच घरातील गृहिणी देखील आपल्या घरच्या गाढवाची भक्तिभावाने पूजा करतात.