१२ नगरसेवकांचा भाजपमध्ये प्रवेश, काँग्रेसने मोठं पाऊल उचललं, सपकाळांनी आदेश काढले, नगरसेवकांची धडधड वाढली

अंबरनाथ (ठाणे) : अंबरनाथ नगर पालिका निवडणूक निकालानंतर सत्ता स्थापनेसाठी भारतीय जनता पक्ष आणि काँग्रेस नगरसेवकांनी युती केल्यामुळे वरिष्ठ स्तरावरील नाराजी व्यक्त केली गेली. यानंतर युतीसाठी तयार झालेल्या काँग्रेस नगरसेवकांवर कारवाईचा इशारा वरिष्ठांकडून दिल्यामुळे त्यांनी अधिकृतरित्या थेट भारतीय जनता पक्षात प्रवेश करण्याचेच ठरवले. याचाच अर्थ काँग्रेस पक्षाच्या तिकीटावर निवडून आलेले नगरसेवक थेटपणे भारतीय जनता पक्षात गेल्याने काँग्रेसला जबर झटका बसला. याच पार्श्वभूमीवर प्रदेशाध्यक्ष हर्षवर्धन सपकाळ यांच्या आदेशाने पक्ष कायदेशीर कारवाई करण्याच्या तयारीत आहेत.