धनंजय मुंडेंना वाल्मिक अण्णाची आठवण, अंजली दमानियांच्या तळपायाची आग मस्तकात, 'चपलांचे हार घातले पाहिजेत!'

मुंबई : गोरगरिबांसाठी काम करणारे जगमित्र कार्यालय रात्रंदिवस सुरू आहे पण तिथे काम करणारा व्यक्ती आपल्यात नाही, अशी खंत व्यक्त करून माजी मंत्री धनंजय मुंडे यांनी जेलमध्ये असलेल्या वाल्मिक कराड याची आठवण काढली. परळी नगर परिषद निवडणुकीच्या पार्श्वभूमीवर वाल्मिक कराड याला मानणारी मते आपल्यापासून दुरावू नयेत म्हणून धनंजय मुंडे यांनी भावनिक खेळी खेळल्याची चर्चा आहे. दुसरीकडे खुनातील आरोपीची आठवण काढल्यानंतर आणि त्याच्याबद्दल सहानुभूती व्यक्त केल्याने सामान्यजनांचा संताप झाला आहे. सामाजिक कार्यकर्त्या अंजली दमानिया यांनी तर धनंजय मुंडे यांना चपलांचे हार घातले पाहिजेत, असे वक्तव्य केले.