Bialpola Festival: सर्जा-राजाची सगळी हौस पुरवणारच, महागाई असूनही पोळ्यासाठी शेतकरी उत्साहात

छत्रपती संभाजीनगर : जगाचा पोशिंदा असलेला शेतकरी वर्षभर शेतात राबतो. या कामात त्याची बैलजोडी देखील त्याच्या बरोबरीने कष्ट उपसते. आपल्यासोबत शेतात राबणाऱ्या बैलांच्या प्रति कृतज्ञता व्यक्त करण्याचा दिवस म्हणजे बैलपोळा हा सण. बैलपोळा हा महाराष्ट्रातील एक अत्यंत महत्त्वाचा सण मानला जातो. दर्श पिठोरी अमावस्येच्या दिवशी बैलपोळा साजरा केला गेला. यावर्षी 22 ऑगस्ट रोजी बैलपोळा आहे. त्यामुळे छत्रपती संभाजीनगर जिल्ह्यात पोळ्याचं साहित्य खरेदी करण्यासाठी शेतकऱ्यांची बाजारात लगबग सुरू झाली आहे.