Chhatrapati Sambhaji Nagar : ई-दुचाकी वापरताना सावध! बॅटरी चार्जिंगदरम्यान महिलेसोबत भयानक घडलं; संभाजीनगर हादरलं

‎

‎जखमी महिलेचं नाव मुक्ताबाई सर्जेराव पिवळ (वय 74, रा. आडूळ) असं असून, त्यांच्यावर सध्या छत्रपती संभाजीनगर येथील खासगी रुग्णालयात उपचार सुरू आहेत. ‎मिळालेल्या माहितीनुसार, शुभम उत्तमराव पिवळ यांच्या मालकीचं बॅटरी दुरुस्ती आणि विक्रीचं दुकान आडूळ बसस्थानकाजवळ आहे. सोमवारी दुपारी त्यांनी एका इलेक्ट्रिक दुचाकीची बॅटरी दुकानात चार्जिंगला लावली होती. काही वेळाने बॅटरीचा अचानक स्फोट झाला. त्या वेळी दुकानात मुक्ताबाई पिवळ बसलेल्या असल्याने त्या स्फोटात गंभीररित्या भाजल्या.

‎

‎स्फोटाचा आवाज मोठ्या अंतरावर ऐकू गेल्याने ग्रामस्थांनी तातडीने मदत केली आणि जखमींना रुग्णालयात हलवले. सुदैवाने स्फोटाच्या वेळी दुकानात इतर ग्राहक नसल्याने मोठा अनर्थ टळला. या प्रकरणाची नोंद पाचोड पोलिस ठाण्यात करण्यात आली असून, तपास सुरू आहे.