Chhatrapati Sambhajinagar : चांगल्या पिकानंतरही शेतकऱ्यांचे हाल! 'त्या' एका निर्णयामुळे टोमॅटो उत्पादकांचा संताप, महामार्ग 5 तास ठप्प

छत्रपती संभाजीनगर : टोमॅटोला योग्य दर न मिळाल्याने कन्नड तालुक्यातील शेतकऱ्यांचा संताप उसळला आणि त्याचे पडसाद थेट सोलापूर–धुळे महामार्गावर उमटले. पानपोई फाटा उपबाजार समिती परिसरात शुक्रवारी झालेल्या आंदोलनादरम्यान तब्बल 500 ट्रॅक्टर रस्त्यावर उभे करून शेतकऱ्यांनी रास्ता रोको केला. या आंदोलनामुळे महामार्गावरील वाहतूक जवळपास पाच तास ठप्प राहिली आणि दोन्ही बाजूंनी वाहनांच्या रांगा दहा ते पंधरा किलोमीटरपर्यंत वाढल्या. प्रवाशांचे हाल तर पोलिसांची धांदल अशी परिस्थिती निर्माण झाली होती.