ट्रेन मिळाली नाही विमानाने जा! संभाजीनगर-हैदराबाद प्रवास होणार सुखद, आठवड्यातून इतके दिवस करता येणार विमान प्रवास

छत्रपती संभाजीनगर :  छत्रपती संभाजीनगर शहरातून हैदराबादकडे जाणाऱ्या प्रवाशांसाठी इंडिगो एअरलाईन्सने दिलासा देणारा निर्णय घेतला आहे. आतापर्यंत आठवड्यातून केवळ तीन दिवसच सकाळच्या वेळेत उड्डाणाची सुविधा उपलब्ध होती. मात्र, वाढती प्रवासी संख्या आणि व्यवसायिक मागणी लक्षात घेऊन आता 25 ऑक्टोबरपर्यंत दररोज सकाळी हैदराबादसाठी विमानसेवा सुरू करण्यात आली आहे. या निर्णयामुळे प्रवास करणाऱ्यांना अधिक लवचिकता आणि सोय मिळणार आहे.