तीन लाख आण नाहीतर..., पैशांसाठी पत्नीसोबत असं केलं, सगळं गाव हळहळलं

‎

‎वाळूज परिसरातील 36 वर्षीय गायत्री यांनी सासरच्या मंडळींकडून होत असलेल्या छळाविरोधात वाळूज एमआयडीसी पोलिस ठाण्यात तक्रार दाखल केली आहे. त्यांच्या तक्रारीवरून पतीसह सासरच्या अन्य सदस्यांविरुद्ध गुन्हा नोंदविण्यात आला आहे.

‎

‎गायत्री यांचा विवाह 43 वर्षीय दीपक हरिचंद्रे रा एल-175, म्हाडा कॉलनी, तिसगांव, छत्रपती संभाजीनगर यांच्यासोबत झाला असून त्यांना दोन मुली आहेत. लग्नाच्या सुरुवातीचे काही महिने व्यवस्थित गेल्यानंतर सासरच्यांकडून त्रास सुरू झाल्याचे फिर्यादीत नमूद आहे. पती दीपक हा व्यवसायासाठी माहेरहून 3 लाख रुपये घेऊन ये, अशी वारंवार मागणी करत शिवीगाळ आणि अपमान करत असल्याचा आरोप करण्यात आला आहे.

‎

‎घरकामावरून टोमणे, ‘तू आमच्या लायकीची नाही’ असे अपमानास्पद बोल तसेच मानसिक आणि शारीरिक छळ सुरू असल्याचे तक्रारीत म्हटले आहे. एवढ्यावरच न थांबता, नणंद संगिता केरे आणि तिचे पती बाळासाहेब केरे यांनी पतीला दुसरे लग्न करण्यासाठी चिथावणी दिली आणि “हिला घराबाहेर काढ, मी तुझ्यासाठी दुसरी मुलगी बघते” असे सांगितल्याचाही आरोप आहे.

‎

‎सगळ्यात धक्कादायक म्हणजे, “तुला आणि तुझ्या मुलींना संपवून टाकू” अशी गंभीर स्वरूपाची धमकी नणंदीकडून देण्यात आल्याचे फिर्यादीत नमूद केले आहे. या सर्व प्रकरणाच्या आधारे वाळूज एमआयडीसी पोलिसांनी पती, सासू-सासरे, नणंद आणि इतर नातेवाईकांविरुद्ध कायदेशीर कारवाई सुरू केली असून पुढील तपास सुरू आहे.

‎