BMC : मुंबई महापालिकेत ३८५ कोटींचा 'रेलिंग' घोटाळा? भाजपच्या एका पत्रानंतर निविदाच रद्द, प्रकरण काय?

मुंबई: मुंबई महानगरपालिकेत सध्या निविदा आणि घोटाळ्यांचे सत्र थांबण्याचे नाव घेत नाहीये. प्रशासक असताना मुंबई महापालिकेच्या काही निविदांवर आक्षेप घेण्यात आला होता. शिवसेना ठाकरे गटाने घोटाळा झाल्याचा आरोप केला होता. त्यानंतर आता मुंबईतील फूटपाथवर रेलिंग बसवण्यासाठी काढलेली ३८५ कोटी रुपयांची निविदा अवघ्या काही तासांतच रद्द करण्याची नामुष्की प्रशासनावर ओढवली आहे. भाजपचे मुंबई अध्यक्ष अमित साटम यांनी या निविदेत मोठ्या भ्रष्टाचाराचा संशय व्यक्त केल्यानंतर आयुक्त भूषण गगराणी यांनी तातडीने ही निविदा गुंडाळली आहे.