बीड हादरलं! ग्रामपंचायत कार्यालयातच 'लक्ष्मी' दर्शन; ग्रामरोजगार सेवकाचा लाच घेतानाचा व्हिडिओ व्हायरल

बीड : ग्रामीण भागातील विकासकामांमध्ये पारदर्शकता आणण्यासाठी सरकारकडून विविध योजना राबवल्या जात असताना, स्थानिक स्तरावर मात्र भ्रष्टाचार सुरू असल्याचे समोर आले आहे. माजलगाव तालुक्यातील वाघोरा येथील ग्रामरोजगार सेवकाने शेतकऱ्याकडून उघडपणे पैसे स्वीकारतानाचा एक व्हिडिओ सोशल मीडियावर तुफान व्हायरल झाला आहे. यामुळे प्रशासकीय वर्तुळात मोठी खळबळ उडाली आहे. फळबाग लागवडीचे मस्टर काढण्यासाठी या सेवकाने पैशांची मागणी केल्याचा आरोप तक्रारदार शेतकऱ्याने केला आहे.