Beed Politics : 'माझे दोन्ही हातपाय निकामी, न्याय द्या' उपजिल्हाप्रमुखाची शिंदेकडे आर्त हाक, नेमकं काय घडलं?

तिन दिवसापूर्वी बीड शिवसेना शिंदे गटाचे उपजिल्हाप्रमुख ज्ञानेश्वर खांडे यांच्यावर गावाकडे जात असताना सात ते आठ जणांनी प्राणघातक हल्ला केला होता. यात गंभीर जखमी झालेल्या ज्ञानेश्वर खांडे यांचे दोन्ही हात आणि पाय फॅक्चर झाले आहेत. त्यांच्यावर पुणे येथे उपचार सुरू आहे. उपचार सुरू असताना त्यांनी आपली कहाणी सांगताना थेट मुख्यमंत्री एकनाथ शिंदे यांनाच न्यायाची भीक मागितली आहे.

तर ज्ञानेश्वर खांडे यांनी दिलेल्या फिर्यादीवरून बीड ग्रामीण पोलीस ठाण्यात या हल्ल्या संदर्भात कट रचला व मारहाण केली म्हणून शिवसेना शिंदे गटाचे जिल्हाप्रमुख कुंडलिक खांडे यांच्यासह बारा जनावर गुन्हा दाखल करण्यात आला आहे. मात्र, आता यात एकनाथ शिंदे साहेब तुम्हीच न्याय करा आणि माझ्यासारख्या गोरगरीब शिवसैनिकांना न्याय द्या म्हणत उपजिल्हाप्रमुख ज्ञानेश्वर खांडे यांनी हाक दिली आहे. नेमकं या प्रकरणात गुन्हा दाखल झाल्यानंतर पोलीस कारवाई करेल. मात्र, शिवसेना शिंदे गट अंतर्गत या वादावर मुख्यमंत्री एकनाथ शिंदे काय निर्णय घेणार हे पाहणं महत्त्वाचं ठरणार आहे.