Maratha Reservation : बीडमध्ये मराठा आंदोलन पेटले, शहरात संचारबंदी; इंटरनेट सेवाही बंद

लक्ष्मण घाटोळ, बीड, 31 ऑक्टोबर : मराठा आरक्षणासाठी अंतरवाली सराटी इथं मनोज जरांगे पाटील यांचे आमरण उपोषण सुरू आहे. मराठा आरक्षण मिळाल्याशिवाय उपोषण सोडणार नाही यावर ते ठाम आहेत. तर दुसरीकडे राज्य सरकार मराठा आरक्षणासंदर्भात बैठका घेत आहे. दरम्यान, बीड जिल्ह्यात मराठा आंदोलनाला हिंसक वळण लागलं आहे. आंदोलकांनी नेत्यांच्या घरावर दगडफेक केली, घर, कार्यालय पेटवून देण्यात आलं. तर बस स्थानकातील ६० बसेसची तोडफोड करण्यात आली. यानंतर बीड शहरात संचारबंदीचे आदेश लागू केले आहेत. सुरक्षेच्या कारणास्तव इंटरनेटही बंद करण्यात आलं असून मोठा पोलीस बंदोबस्त तैनात करण्यात आला आहे.