Pankaja Munde: पंकजा मुंडे यांच्या हेलिकॉप्टरमध्ये तांत्रिक बिघाड! टेकऑफ आधीच चूक लक्षात आल्यानं अनर्थ टळला
- Reported by:Tushar Rupanwar
- Written by:Shrikant Bhosale
Last Updated:
Pankaja Munde :राज्याच्या मंत्री आणि भाजप नेत्या पंकजा मुंडे यांच्या लातूर दौऱ्यादरम्यान एक मोठी घडामोड समोर आली आहे. छत्रपती संभाजीनगर येथून लातूरकडे झेप घेण्यापूर्वीच पंकजा मुंडे यांच्या हेलिकॉप्टरमध्ये तांत्रिक बिघाड झाल्याचे निष्पन्न झाले.
मुंबई: राज्याच्या मंत्री आणि भाजप नेत्या पंकजा मुंडे यांच्या लातूर दौऱ्यादरम्यान एक मोठी घडामोड समोर आली आहे. छत्रपती संभाजीनगर येथून लातूरकडे झेप घेण्यापूर्वीच पंकजा मुंडे यांच्या हेलिकॉप्टरमध्ये तांत्रिक बिघाड झाल्याचे निष्पन्न झाले. उड्डाणापूर्वीच हा बिघाड लक्षात आल्याने मोठा अनर्थ टळला असला तरी, त्यांच्या नियोजित सभांच्या वेळापत्रकावर याचा मोठा परिणाम झाला आहे.
नेमकी घटना काय?
पंकजा मुंडे या सध्या जिल्हा परिषद निवडणुकीच्या प्रचारासाठी झंझावाती दौरा करत आहेत. आज त्या प्रचारासाठी लातूर दौऱ्यावर जाणार होत्या. छत्रपती संभाजीनगरहून उड्डाण घेण्याच्या तयारीत असतानाच पायलटच्या लक्षात हेलिकॉप्टरमधील तांत्रिक त्रुटी आली. खबरदारीचा उपाय म्हणून तात्काळ उड्डाण रद्द करण्यात आले आणि तांत्रिक पथकाकडून तपासणी सुरू करण्यात आली.
प्रचाराच्या सभांना विलंब
advertisement
या तांत्रिक बिघाडामुळे पंकजा मुंडे यांच्या लातूरमधील सभांच्या वेळा पुढे ढकलण्यात आल्या आहेत. लातूरमध्ये कार्यकर्त्यांची मोठी गर्दी जमली असतानाच या बिघाडाची बातमी आल्याने काही काळ चिंतेचे वातावरण होते. मात्र, पंकजा मुंडे या सुरक्षित असून त्यांनी कार्यकर्त्यांना संयम राखण्याचे आवाहन केले आहे.
दुसऱ्या हेलिकॉप्टरची व्यवस्था
वेळेची बचत करण्यासाठी आणि नियोजित सभा पूर्ण करण्यासाठी तातडीने दुसऱ्या हेलिकॉप्टरची व्यवस्था करण्यात आली आहे. पंकजा मुंडे आता दुसऱ्या हेलिकॉप्टरने लातूरकडे रवाना होणार असून, त्या सर्व सभांना हजेरी लावणार असल्याची माहिती त्यांच्या निकटवर्तीयांनी दिली आहे.
advertisement
जिल्हा परिषद निवडणुकीच्या रणधुमाळीत पंकजा मुंडे यांच्या सभांना मोठी गर्दी होत असून, या तांत्रिक अडथळ्यानंतरही त्या आपला दौरा पूर्ण करणार आहेत.
Location :
Mumbai,Maharashtra
First Published :
Feb 03, 2026 11:16 AM IST
मराठी बातम्या/महाराष्ट्र/
Pankaja Munde: पंकजा मुंडे यांच्या हेलिकॉप्टरमध्ये तांत्रिक बिघाड! टेकऑफ आधीच चूक लक्षात आल्यानं अनर्थ टळला
