Bhandara News : प्रशिक्षकाची तरूणीकडे शरीरसुखाची मागणी, पोलीस प्रशिक्षण केंद्रातला धक्कादायक प्रकार, अखेर प्रशिक्षकाला अटक

Bhandara News :  रवी सपाटे, भंडारा : भंडाऱ्यातून एक धक्कादायक घटना समोर आली आहे. या घटनेत पोलीस भरतीसाठी प्रशिक्षण केंद्र चालविणाऱ्या एका प्रशिक्षकाने शिकवणीला येणाऱ्या तरूणीकडे शरीरसुखाची मागणी केल्याची घटना घडली आहे. विशेष म्हणजे हा प्रशिक्षक इतक्यावरच थांबला नाही तर त्याने जातीवाचक शिविगाळ केल्याचीही घटना घडली आहे. या प्रकरणी आता अड्याळ पोलिसांनी ॲकॅडमीच्या प्रशिक्षकाविरुद्ध ७५ (२), ३५१, ३५२(२) सहकलम ३(१) (आर )(एस) अनुसूचित जाती जमाती प्रतिबंधक कायदा अन्वये गुन्हा दाखल केला आहे. तसेच आरोपीला प्रशिक्षकाला अटक देखील करण्यात आली आहे. या घटनेचा अधिकचा तपास पोलीस करतायत.