2030-31 पर्यंत अटल पेन्शन योजना (एपीवाय) सुरु ठेवण्यास केंद्रीय मंत्रिमंडळाची मंजुरी
- Published by:Suraj Yadav
Last Updated:
केंद्रीय मंत्रिमंडळाने अटल पेन्शन योजना 2030-31 पर्यंत चालू ठेवण्यास मंजुरी दिली. 8.66 कोटी सदस्य, असंघटित कामगारांसाठी वृद्धापकाळात उत्पन्न सुरक्षा, भारत @2047 चे स्वप्न.
पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाने आज अटल पेन्शन योजना (एपीवाय) आर्थिक वर्ष 2030-31 पर्यंत चालू ठेवण्यास तसेच प्रोत्साहनात्मक आणि विकासात्मक उपक्रमांसाठी निधी सहाय्य आणि व्यवहार्यता तफावत निधी सुरु ठेवण्यास मंजुरी दिली.
अंमलबजावणी धोरण :
ही योजना सरकारच्या सहकार्याने 2030-31 पर्यंत सुरू राहील –
असंघटित कामगारांमध्ये जागरूकता, क्षमता बांधणीसह पोहोच वाढवण्यासाठी प्रोत्साहनात्मक आणि विकासात्मक उपक्रम.
व्यवहार्यता आवश्यकता पूर्ण करण्यासाठी आणि योजनेची शाश्वतता सुनिश्चित करण्यासाठी तफावत निधी
प्रमुख परिणाम :
अल्प उत्पन्न असलेल्या आणि असंघटित क्षेत्रातील लाखो कामगारांसाठी वृद्धापकाळात उत्पन्न सुरक्षा सुनिश्चित करते.
advertisement
आर्थिक समावेशकता वाढवते आणि भारताला पेन्शन-आधारित समाजात परिवर्तित होण्यासाठी सहाय्य पुरवते .
शाश्वत सामाजिक सुरक्षा प्रदान करून विकसित भारत @2047 च्या स्वप्नाला बळ देते
पार्श्वभूमी :
प्रारंभ : असंघटित क्षेत्रातील कामगारांना वृद्धापकाळात उत्पन्न सुरक्षा प्रदान करण्याच्या उद्देशाने 9 मे 2015 रोजी अटल पेन्शन योजना (एपीवाय ) सुरू करण्यात आली.
advertisement
योजनेची वैशिष्ट्ये: एपीवाय वयाच्या 60 व्या वर्षापासून योगदानाच्या आधारे दरमहा 1,000 ते 5,000 रुपयांपर्यंत किमान पेन्शनची हमी देते.
प्रगती: 19 जानेवारी 2026 पर्यंत,8.66 कोटींहून अधिक सदस्यांची नोंदणी झाली असून एपीवाय भारताच्या समावेशक सामाजिक सुरक्षा चौकटीचा एक आधारस्तंभ बनला आहे.
विस्ताराची आवश्यकता: योजनेची शाश्वतता सुनिश्चित करण्यासाठी जागरूकता, क्षमता निर्मिती आणि व्यवहार्यता तफावत भरून काढण्यासाठी सातत्यपूर्ण सरकारी पाठिंबा आवश्यक आहे.
advertisement
Location :
Mumbai,Maharashtra
First Published :
Jan 23, 2026 4:21 PM IST
मराठी बातम्या/देश/
2030-31 पर्यंत अटल पेन्शन योजना (एपीवाय) सुरु ठेवण्यास केंद्रीय मंत्रिमंडळाची मंजुरी
