बीडमधील GST अधिकारी मृत्यू प्रकरणाला धक्कादायक वळण, 7 दिवस उलटले; नोटही सापडली, पण...

बीड इथं राज्य कर अधिकारी म्हणून कार्यरत असलेले सचिन जाधववर हे १६ जानेवारी रोजी बेपत्ता झाले होते. त्यानंतर दुसऱ्या दिवशी सचिन जाधवर यांची कार सोलापूर - धुळे महामार्गालगत आढळून आली होती. घटनेची माहिती मिळताच पोलिसांनी घटनास्थळी धाव घेतली. त्या ठिकाणी पोलिसांनी पाहणी केली असता सचिन जाधवर हे कारमध्ये मृत अवस्थेत आढळून आले होते. पोलिसांनी घटनास्थळाचा पंचनामा केला. सचिन जाधव यांचा मृतदेह बीडच्या जिल्हा रुग्णालयात शवविच्छेदनासाठी पाठण्यात आला होता.यावेळी पोलिसांना एक सुसाईड नोट आढळली होती. पण, नोट आढळून सुद्धा पोलिसांनी कोणतीही कारवाई केली नाही. या नोटमध्ये कुणाची नावं आहे, याचीही माहिती पोलिसांनी अद्याप दिली नाही.