दलाल स्ट्रीटवर 'ब्लॅक फ्रायडे', गुंतवणूकदारांचे 6.90 लाख कोटी बुडाले; शेअर्स पत्त्यांसारखे का कोसळले? जाणून घ्या 7 मोठी कारणे

यातच रुपयाने डॉलरच्या तुलनेत विक्रमी नीचांकी पातळी गाठली, तर बँकिंग आणि अदानी समूहातील शेअर्समध्ये मोठ्या प्रमाणावर विक्री झाली. या सर्व कारणांचा एकत्रित फटका बाजाराला बसला. परिणामी, बीएसईवर सूचीबद्ध कंपन्यांचे एकूण मार्केट कॅप ४,५८,४२,८४२.६१ कोटी रुपयांवरून थेट ४,५१,५३,७२२.४६ कोटी रुपयांपर्यंत घसरले. अवघ्या एका सत्रात गुंतवणूकदारांचे सुमारे ६.९० लाख कोटी रुपये बुडाले.

मिडकॅप आणि बँकिंग निर्देशांकांनाही मोठा फटका बसला. मिडकॅप निर्देशांक १,०४६ अंकांनी घसरून ५७,१४६ वर बंद झाला, तर निफ्टी बँक ७२७ अंकांनी पडत ५८,४७३ वर स्थिरावला. निफ्टीतील जवळपास ४० शेअर्स लाल निशाणात बंद झाले आणि सर्वच सेक्टोरल निर्देशांक दबावात राहिले.

मोतिलाल ओसवालचे रुचित जैन यांच्या मते, निफ्टी सध्या ‘लोअर टॉप–लोअर बॉटम’ पॅटर्नमध्ये आहे. जो पुढील घसरणीचा संकेत देतो. २५,४०० हा तात्काळ रेजिस्टन्स ठरत असून, तोपर्यंत बाजारात दबाव कायम राहण्याची शक्यता आहे.