ऑनलाईन घर भाडं भरत असाल तर थांबा! ही बातमी खास तुमच्यासाठी; होणार मोठा बदल
Last Updated:
Online House Rent Rule : आता फोनपे, पेटीएम, मोबिक्विक, अॅमेझॉन पे आणि क्रेड सारख्या प्रमुख फिनटेक अॅप्सवरून घर भाडं भरण्याची सुविधा थांबणार आहे. यामुळे ऑनलाईन माध्यमातून भाडे भरत असलेले नागरिक गंभीर परिस्थितीत पडणार आहेत.
अलीकडेच भारतीय फिनटेक कंपन्यांनी ग्राहकांसाठी एक मोठा बदल केला आहे. फोनपे, पेटीएम, मोबिक्विक, फ्रीचार्ज, अॅमेझॉन पे आणि क्रेड यासारख्या प्रमुख फिनटेक कंपन्यांनी त्यांच्या अॅपवरून क्रेडिट कार्ड वापरून भाडे भरण्याची सेवा बंद केली आहे. गेल्या काही वर्षांत क्रेडिट कार्ड वापरून घरभाडे भरणे लोकांमध्ये खूप लोकप्रिय झाले होते. अनेकांनी आपले मासिक भाडे बँक खात्यात ट्रान्सफर करण्याऐवजी थेट अॅपवरून क्रेडिट कार्डद्वारे भरणे सुरू केले होते.
या सुविधेचा मुख्य फायदा म्हणजे ग्राहकांना रिवॉर्ड पॉइंट्स मिळणे आणि काही वेळा व्याजमुक्त कालावधीचा लाभ घेता येणे. उदाहरणार्थ जर एखाद्याने क्रेडिट कार्डवरून भाडे भरले तर त्याला त्याच्या कार्डवरील रिवॉर्ड पॉइंट्स जमा होत असत आणि काही कार्डांमध्ये 20 ते 30 दिवसांचा व्याजमुक्त कालावधीही मिळायचा. त्यामुळे हे ग्राहकांसाठी फायदेशीर ठरत होते.
बंदी का घालण्यात आली?
advertisement
पण आता या सुविधेवर बंदी घालण्यात आली आहे. फिनटेक कंपन्यांनी सांगितले आहे की क्रेडिट कार्ड वापरून घरभाडे भरण्याची सेवा आता उपलब्ध राहणार नाही. यामागे मुख्य कारण म्हणजे मोठ्या प्रमाणात शुल्क आकारण्याचे आणि नियमांचे पालन करण्याची आव्हाने. अनेक कंपन्यांनी ग्राहकांकडून मोठ्या फी घेतली होती आणि बँकांच्या नियमांचे पालन करताना अडचणी येत होत्या.
advertisement
यामुळे ग्राहकांना आता काही बदल स्वीकारावे लागणार आहेत. क्रेडिट कार्डद्वारे भाडे भरून मिळणारे रिवॉर्ड पॉइंट्स किंवा व्याजमुक्त कालावधीचा लाभ आता मिळणार नाही. घरमालकाच्या बँक खात्यात पैसे पाठवण्यासाठी आता थेट बँक ट्रान्सफर किंवा इतर पेमेंट माध्यमांचा वापर करावा लागणार आहे. शिवाय आता घरमालकाचे बँक खाते केवायसीसह जोडणे आवश्यक असेल.
ही पद्धत सुरू असताना ग्राहकांना सुविधा होती. पण, आता भाडे भरण्याच्या प्रक्रियेत थोडे बदल अपेक्षित आहेत. ग्राहकांनी आपल्या मासिक बजेट आणि भाडे भरण्याच्या पद्धतीत सुधारणा करणे गरजेचे आहे. अनेकांनी अॅपद्वारे भाडे भरल्यामुळे सहजपणे पैसे पाठवणे सोपे वाटत होते, पण आता थोडा वेळ आणि प्रयत्न खर्च करावा लागणार आहे.
advertisement
एकूणच, फिनटेक कंपन्यांच्या या निर्णयामुळे घरभाडे भरण्याच्या प्रक्रियेत बदल होईल आणि ग्राहकांना नवीन पद्धती स्वीकाराव्या लागतील. भविष्यात या सेवा पुन्हा सुरु होतील की नाही हे कंपनीच्या धोरणावर अवलंबून राहणार आहे.
view commentsLocation :
Mumbai,Maharashtra
First Published :
September 20, 2025 11:37 AM IST
