Parbhani ZP election Result: भाजपच्या ज्येष्ठ नेत्याला 'धुरळा' सिनेमा स्टाईल निवडणूक भोवली, लेक-मुलगा, पुतण्या पराभूत

शिंगणापूर जिल्हापरिषद सर्कलमधून वरपुडकराचा  मुलगा समशेर वरपूडकर पराभूत  झाला आहे. इथं ठाकरे गटाचे उमेदवार पांडुरंग खिल्लारे ४५० मतांनी विजयी झाले आहे. खिल्लारे हे जाँईंट किल्लर ठरलेआहे.  तर वरपूडकर  यांची मुलगी सोनल देशमुख झरी मतदारसंघांमधून पराभूत झाली आहे.  सोनल देशमुख यांनी शिवसेना उद्धव ठाकरे गटाकडून तिकीट घेऊन निवडणूक लढवली होती. इथं भाजपचे उमेदवार दिलीप देशमुख विजयी झाले आहे.

झरी जिल्हापरिषद सर्कल - वरपुडकर यांची मुलगी सोनल देशमुख ( शिवसेना उद्धव ठाकरे ) V/S दिलीप देशमुख ( भाजप )

सुरेश वडपुडकर हे काँग्रेसमधून भाजपमध्ये अलीकडे दाखल झाले. महापालिका निवडणुकीमध्ये त्यांनी दमदार कामगिरी केली होती. त्यांच्या प्रतिष्ठेचा भाजपला फायदा झाला होता.  त्यामुळे वडपुरकरांना जिल्हा परिषदेसाठी बक्षीस देण्यात आलं. विशेष म्हणजे, भाजपमधून त्यांना तिकीटं मिळाली तर २ तिकीटं काँग्रेस आणि ठाकरे गटातून मिळाली.  सुरेश वरपुडकर यांचे चिरंजीव समशेर वरपुडकर हे सिंगणापूर जिल्हा परिषदेसाठी निवडणूक लढवली. तर त्यांची पत्नी प्रेरणा वरपुडकर या भाजपच्या तिकीटावर दैठणा गटातून निवडणूक लढत आहे.  तर लोहगाव जिल्हापरिषद सर्कलमधून वरपुडकर यांचे दुसरे पुतणे अजित वरपूडकर हे भाजपच्या तिकीटावर निवडणूक लढवत आहे.