आव्हाडांविरोधात भाजप आक्रमक, राज्यभरात आंदोलन; कुत्र्याच्या गळ्यात फोटो अडकवून निषेध

मुंबई : राष्ट्रवादी काँग्रेस शरद पवार गटाचे आमदार जितेंद्र आव्हाड यांन महाडमध्ये मनुस्मृती दहन करताना भारतरत्न डॉक्टर बाबासाहेब आंबेडकर यांचा फोटो फाडल्याचा प्रकार घडला. जितेंद्र आव्हाड यांनी या प्रकरणी माफी मागताना अनावधानाने घडल्याचं म्हटलंय. दरम्यान, जितेंद्र आव्हाड यांच्या या कृतीविरोधात भाजपकडून राज्यभरात आंदोलन केलं जात आहे. जितेंद्र आव्हाड यांच्या निषेधार्थ भाजप रस्त्यावर उतरलं असून काही ठिकाणी गुन्हाही दाखल केला आहे. जितेंद्र आव्हाड यांच्यावर करावाई करावी अशी मागणी केली जात आहे.