BMC Election: ''अभिषेकदादांनी मरणोत्तर भाजपात प्रवेश केलाय का?'' तेजस्वी घोसाळकरांच्या पोस्टरवरून राजकारण तापलं

सुमित सावंत, प्रतिनिधी, मुंबई: शिवसेना ठाकरे गटाच्या दहिसरमधील माजी नगरसेविका तेजस्वी घोसाळकर यांनी काही दिवसांपूर्वीच भाजपात प्रवेश केला. त्यानंतर दहिसर परिसरात राजकीय वातावरण तापलं आहे. भाजपप्रवेशानंतर तेजस्वी घोसाळकर प्रभाग क्रमांक २ मधून आगामी निवडणूक लढवणार असल्याची शक्यता आहे. त्यांनी प्रचारालाही सुरुवात केली आहे. मात्र, त्यांच्या प्रचाराच्या पोस्टरवरुन ठाकरे गटाच्या शिवसैनिकांमध्ये संतापाची लाट उसळली आहे. सोशल मीडियावर याचे पडसाद उमटू लागले आहेत.