Buldhana News : प्रेमी युगुलापाठोपाठ प्रियकराच्या वडिलांनीही संपवलं जीवन; बुलढाणा जिल्ह्यात खळबळ

गोपाळ खिल्लारे या मुलाने आपल्या अल्पवयीन प्रेयीसीसोबत झाडाला एकाच दोरीने गळफास घेत आत्महत्या केली होती. त्याचा धसका घेत त्याच्या वडिलांनी समाधान खिल्लारे यांनी गळफास घेत आत्महत्या केली. समाजात बदनामी होईल आणि संभाव्य कारवाईचा धसका घेत त्यांनी आत्महत्या केल्याचे बोलल्या जात आहे. पोलिसांनी घटनास्थळी भेट देत मृतदेह ताब्यात घेऊन पंचनामा केला आहे. या घटनेने जिल्ह्यात एकच खळबळ माजली आहे.

वाशिमच्या मालेगाव तालुक्यातही एका प्रेमीयुगुलाने गळफास घेऊन जीव संपल्याची घटना घडली होती. जऊळका पोलीस स्टेशनअंतर्गत येणाऱ्या उमदरी वनपरिक्षेत्रात ही घटना घडली. वृत्तानुसार हे दोघेही वाशिम जिल्ह्यातील असून गेल्या काही वर्षांपासून त्यांचे एकमेकांवर प्रेम होते. मात्र, दोघांच्याही प्रेमाला कुटुंबियांचा विरोध होता. वारंवार विनंती करून सुद्धा कुटुंबीय त्यांच्या प्रेमाची मागणी मान्य करत नसल्याने हे दोघांनाही घर सोडण्याचा निर्णय घेतला होता. त्यानंतर या दोघांचा मृतदेह आढळून आलेत. या घटनेनंतर गावात खळबळ उडाली आहे.