मराठी लोक लय हाणतात, गुजराती-मारवाडी चांगले; गजानन महाराजांच्या वेशातील बाबा काय म्हणाला?

मुंबई, 05 ऑक्टोबर : बुलढाण्यामध्ये मागील चार दिवसांपासून गजानन महाराजांच्या वेशात एक बाबा फिरत आहे. गजानन महाराजांच्या वेषात आलेल्या या बाबाला पाहून लोकांनी मोठी गर्दीही केली होती. दरम्यान, या बाबाला काही लोकांनी मारहाण केल्याची घटनाही घडली. याचा व्हिडीओ सोशल मीडियावर व्हायरल झाला. आता या प्रकारानंतर एका वृत्तवाहिनीशी बोलताना या बाबाने आपण आनंदसागरला असून तिथे माझी गादी आहे. मराठी लोक मानत नाहीत पण मारवाडी मानतात, मला सांभाळतात असं म्हटलंय.