Buldhana News : दोन महिलांनी 'त्याला' जिल्हाधिकारी कार्यालयात घुसून चपलेने धुतला; बुलढाण्यातील Video व्हायरल

बुलढाणा, 4 ऑक्टोबर (राहुल खंडारे, प्रतिनिधी) : बुलढाणा जिल्हाधिकारी कार्यालयात आज महिलांचे रौद्ररुप पाहायला मिळाले. ग्रामपंचायत सदस्यांविरोधात तक्रार करुन नंतर प्रकरण मिटवण्यासाठी पैसे घेणाऱ्या एका व्यक्तीला थेट जिल्हाधिकारी कार्यालयात जाऊन चोप दिला आहे. संबंधित व्यक्तीने धमकावून अश्लील शिवीगाळ केल्याचा आरोप महिलांनी केला आहे. मेहकर तालुक्यातील भालेगाव येथील महिला उपसरपंच आणि सदस्यानी या व्यक्तीला मारहाण केली. तर संतोष चांदणे असे मारहाण झालेल्या व्यक्तीचे नाव आहे. या मारहाणीचा व्हिडीओ सध्या सोशल मीडियावर व्हायरल झाला आहे.