दुभाजकावर धडकली मग उलटली, नाशिकहून मुंबईला येणाऱ्या कारचा भीषण अपघात

पोलिसांनी दिलेल्या माहितीनुसार, भरधाव वेगात असलेल्या या कारवरील चालकाचे नियंत्रण सुटले. त्यामुळे ती कार दुभाजकावर आदळली आणि नंतर उलटली. हा अपघात इतका भीषण होता की, कारचे मोठे नुकसान झाले आहे. कारचे नियंत्रण नेमके कशामुळे सुटले, याबाबत अद्याप कोणतीही माहिती समोर आलेली नाही.

अपघातानंतर कारमधील दोन्ही प्रवासी आत अडकले होते. स्थानिक नागरिक आणि पोलिसांनी तातडीने घटनास्थळी धाव घेत त्यांना बाहेर काढले. जखमींना त्वरित जवळच्या खाजगी रुग्णालयात उपचारासाठी दाखल करण्यात आले आहे. सध्या त्यांच्यावर उपचार सुरू आहेत.

या अपघातामुळे महामार्गावर काही काळ वाहतूक विस्कळीत झाली होती. पोलिसांनी घटनास्थळी पोहोचून वाहतूक सुरळीत केली. या प्रकरणी पुढील तपास सुरू आहे.