परभणीच्या 20 गावातून शक्तिपीठ महामार्ग, शेतकरी आक्रमक, बावनकुळेंनी बोलावून घेतले अन्...

रभणी जिल्ह्यातील महामार्गातील भूधारक शेतकऱ्यांची बैठक महसूलमंत्री बावनकुळे यांच्या मंत्रालयातील दालनात झाली. बैठकीसाठी खासदार संजय जाधव, आमदार राजेश विटेकर, महसूल विभागाचे अपर मुख्य सचिव विकास खारगे, सार्वजनिक बांधकाम विभागाचे अपर मुख्य सचिव मिलिंद म्हैसकर उपस्थित होते. महामार्ग भूसंपादन आणि मोजणी प्रक्रियामध्ये शेतकऱ्यांच्या अडचणींबाबत जिल्हाधिकारी, परभणी यांनी दूरदृश्य प्रणालीद्वारे बैठकीत सहभागी होत माहिती दिली.

शक्तिपीठ महामार्ग महाराष्ट्रातील विविध जिल्ह्यातून जात असून यासाठी विविध जिल्ह्यातील मोजणी प्रक्रिया 60 ते 70 टक्के पूर्ण झाली आहे. वर्धा जिल्ह्यात भूसंपादनासाठी 90 टक्के मोजणी झाली आहे.

परभणी जिल्ह्यात गावातील बहुसंख्य जमीन ही शेतीसाठी लागवडीखालील असून शेतकऱ्यांच्या जमिनी भूसंपादन व मोजणीस विरोध आहे. याप्रसंगी खासदार जाधव यांनी शेतकऱ्यांच्यावतीने मोजणी प्रक्रियेस होत असलेल्या विरोधाबाबत माहिती दिली. तसेच विविध शेतकरी यांनी आपली बाजू मंत्री बावनकुळे यांच्यासमोर सादर केली.