Accident : अंधारामुळे घात झाला, रिक्षाचा चुराडा झाला; 2 जणांचा जागेवरच मृत्यू

‎या अपघातात रईस शेख (रिक्षाचालक) आणि रुक्मिणी येणगे (वय 45) या प्रवाशाचा मृत्यू झाला. तर शीतल मोरे (वय २४) आणि पायल वरदे (वय 19) या दोघी गंभीर जखमी झाल्या असून त्यांच्यावर घाटी रुग्णालयात उपचार सुरू आहेत. मिळालेल्या माहितीनुसार, रईस हाशिम शेख (वय 35, रा. रांजणगाव शेण) हे आपली रिक्षा घेऊन रेल्वे स्टेशन परिसरातून रांजणगाव शेणच्या दिशेने जात होते. मध्यरात्रीच्या अंधारात अहिल्यानगर रोडवरील गोळवाडी फाट्याजवळ रस्त्याच्या कडेला उभ्या असलेल्या पिकअप वाहनाचा अंदाज न आल्याने रिक्षा त्यावर जोरात आदळली. धडक इतकी भीषण होती की रिक्षाचा अक्षरशः चुराडा झाला.