‘मॅट्रिमोनिअल वेबसाईट’वर ओळख, छ. संभाजीनगरला बोलावलं अन्..., बीडच्या महिलेसोबत भयंकर घडलं

छत्रपती संभाजीनगर : आयुष्याचा जोडीदार शोधण्यासाठी आज लाखो महिला-पुरुष ऑनलाइन मॅट्रिमोनियल संकेतस्थळांचा आधार घेतात. पण ‘सात जन्मांची साथ’ सांगत सुरू होणाऱ्या काही ओळखी शेवटी विश्वासघात, अत्याचार आणि ब्लॅकमेलिंगपर्यंत पोहोचल्याच्या धक्कादायक घटना वाढताना दिसत आहेत. अशाच एका घटनेत बीड येथील 36 वर्षीय महिलेची छत्रपती संभाजीनगरमधील हॉटेल मॅनेजर भूषण गायधनी याने लग्नाचे खोटे आश्वासन देत फसवणूक केली, अत्याचार केले आणि गर्भपातास भाग पाडले, असा आरोप महिलेने केला आहे. तसेच या प्रकरणी शिवाजीनगर पोलिस ठाण्यात गुन्हा दाखल करण्यात आला आहे.