Iran Attack US Fleet: दुखरी नस दाबताच इराण खवळला, कल्पनाही केली नसेल असा अमेरिकेला शिकवला धडा, २१ सैनिकही ठार
- Written by:Shrikant Bhosale
Last Updated:
Iran Attack US Fleet: आठव्या दिवशी हे युद्ध आणखी तीव्र झालं आहे. इस्रायल-अमेरिकेने इराणच्या तेलसाठ्यावर हल्ला केल्याने एकच खळबळ उडाली. त्यानंतर आता इराणने आता पलटवार करण्यास सुरुवात केली आहे.
तेहरान: इराण आणि अमेरिका यांच्यातील युद्ध कमी होण्याची चिन्हे दिसत नाहीत. इस्रायल आणि अमेरिकेने इराण विरोधात युद्ध पुकारल्यानंतर आठव्या दिवशी हे युद्ध आणखी तीव्र झालं आहे. इस्रायल-अमेरिकेने इराणच्या तेलसाठ्यावर हल्ला केल्याने एकच खळबळ उडाली. त्यानंतर आता इराणने आता पलटवार करण्यास सुरुवात केली आहे. इराणने अमेरिकेने कल्पनाही केला नसेल एवढा मोठा प्रहार केला आहे. इराणने अमेरिकेच्या पाचव्या आरमारावर हल्ला केला आहे.
इराणी सशस्त्र दलांनी बहरीनमध्ये तैनात असलेल्या अमेरिकेच्या शक्तिशाली 'पाचव्या नौदलाच्या' (US Fifth Fleet) ताफ्यावर मोठा क्षेपणास्त्र हल्ला केला आहे. या हल्ल्यात अमेरिकेचे २१ सैनिक ठार झाले असून अनेक जण गंभीर जखमी झाले आहेत, असा खळबळजनक दावा इराणने केला आहे. या घटनेमुळे संपूर्ण आखाती देशांमध्ये युद्धाचा धोका टोकाला पोहचण्याची भीती व्यक्त केली जात आहे.
advertisement
#BREAKING
Iranian Armed Forces: 21 soldiers killed, some others injured in attacks on US Navy Fifth Fleet pic.twitter.com/2R1vTazWCP
— Tehran Times (@TehranTimes79) March 8, 2026
इराणी माध्यमांनी प्रसिद्ध केलेल्या वृत्तानुसार, बहरीनची राजधानी मनामा येथील 'जुफेर' परिसरात असलेल्या अमेरिकेच्या नौदलाच्या मुख्यालयाला लक्ष्य करण्यात आले. या हल्ल्यानंतर तळावर मोठ्या प्रमाणावर आग लागल्याचे व्हिडिओ समोर आले आहेत. अमेरिकेची मध्य पूर्वेतील सर्वात महत्त्वाची लष्करी ताकद असलेल्या या तळावर अनेक लष्करी सुविधांचे मोठे नुकसान झाल्याचे सांगण्यात येत आहे. दरम्यान, अमेरिकेकडून अद्याप या जीवितहानीबाबत अधिकृत दुजोरा देण्यात आलेला नाही.
advertisement
#BREAKING
US's weapons warehouses in Bahrain were targeted pic.twitter.com/A1QwBy90I0
— Tehran Times (@TehranTimes79) March 8, 2026
Bahrain: We are closely monitoring the situation and are committed to providing timely information and assistance to U.S. citizens in the affected area. We urge all Americans to remain vigilant, follow local authorities’ instructions, and review the latest guidance from the U.S.… pic.twitter.com/02TEJPAxZP
— TravelGov (@TravelGov) March 8, 2026
advertisement
काय आहे अमेरिकेचे 'पाचवे नौदल' (Fifth Fleet)?
पर्शियन आखात, लाल समुद्र आणि अरबी समुद्रासह सुमारे २५ लाख चौरस मैल समुद्री क्षेत्रावर नियंत्रण ठेवण्याची जबाबदारी या ताफ्यावर आहे.
जगातील सर्वात महत्त्वाचा तेल वाहतूक मार्ग असलेल्या 'होर्मुझची सामुद्रधुनी' आणि आंतरराष्ट्रीय व्यापारी जहाजांचे संरक्षण करणे हे या नौदलाचे प्राथमिक कार्य आहे.
advertisement
या ताफ्यात साधारणपणे ८,००० हून अधिक कर्मचारी, विमानवाहू युद्धनौका, अत्याधुनिक पाणबुड्या आणि ड्रोन यंत्रणांचा समावेश असतो.
हा ताफा ४० हून अधिक देशांच्या संयुक्त सागरी दलांसोबत काम करून दहशतवाद आणि चाचेगिरी रोखण्याचे काम करतो.
जागतिक बाजारपेठेत चिंतेचे ढग
जगातील तेलाचा मोठा पुरवठा ज्या मार्गावरून होतो, तिथेच थेट हल्ला झाल्याने जागतिक बाजारपेठेत कच्च्या तेलाच्या किमतीत मोठी वाढ होण्याची शक्यता निर्माण झाली आहे. इराण आणि अमेरिका यांच्यातील हा थेट संघर्ष आता महायुद्धाच्या दिशेने सरकतोय का, अशी भीती व्यक्त केली जात आहे.
Location :
New Delhi,Delhi
First Published :
Mar 08, 2026 3:01 PM IST
मराठी बातम्या/विदेश/
Iran Attack US Fleet: दुखरी नस दाबताच इराण खवळला, कल्पनाही केली नसेल असा अमेरिकेला शिकवला धडा, २१ सैनिकही ठार
