दीड तासांचा प्रवास अवघ्या 25 मिनिटांत, छ. संभाजीनगरसाठी मास्टर प्लॅन, थेट उड्डाणपूल कुठून कुठं जाणार?

छत्रपती संभाजीनगर : शहरातील वाढती वाहतूक लक्षात घेता चिकलठाणा विमानतळ ते वाळूज एमआयडीसी दरम्यान अखंड उड्डाणपूल उभारण्याचा प्रस्ताव पुन्हा एकदा पुढे आला आहे. यापूर्वी केंद्र सरकारकडून या प्रकल्पासाठी सविस्तर प्रकल्प अहवाल (डीपीआर) तयार करण्यात आला होता आणि त्यावर सुमारे सात कोटी रुपयांचा खर्चही करण्यात आला होता. मात्र तांत्रिक अहवाल अनुकूल नसल्याने आणि संबंधित रस्ता राज्य शासनाच्या अखत्यारीत असल्याने हा प्रकल्प पुढे सरकू शकला नव्हता. आता राज्य सरकारने या प्रकल्पाची धुरा स्वतः हाती घेत नव्याने डीपीआर तयार करण्याचा निर्णय घेतला आहे.