छत्रपती संभाजीनगरच्या विद्यार्थ्यांनी जग गाजवलं! ॲपने मिळवला तिसरा क्रमांक, गुगलही देणार लाखो रुपयांचं बक्षीस

स्पून शेअर ॲप हे एक असे ॲप आहे, ज्याच्या माध्यमातून तुम्ही गरजू लोकांपर्यंत अन्न पोहोचवू शकता. आपल्याकडे अनेक ठिकाणी मोठ्या प्रमाणात अन्नाची नासाडी होते. पण काही लोक असे आहेत, ज्यांना एक वेळचं जेवणही भेटत नाही आणि हीच बाब लक्षात घेऊन या विद्यार्थ्यांनी हे ॲप तयार करायचं ठरवलं आणि स्पून शेअर नावाने हे ॲप तयार केलं.

आम्हाला जेव्हा कळलं की गुगल ही स्पर्धा घेणार आहे. तेव्हा आम्ही या स्पर्धेत भाग घ्यायचं ठरवलं आणि त्यामध्ये सर्व प्रक्रिया पूर्ण करून भाग घेतला. या स्पर्धेच्या तीन फेऱ्या झाल्या होत्या त्यामध्ये पहिले 100 टीम सहभागी झाल्या होत्या. विविध देशांमधल्या टीमने यामध्ये सहभाग घेतला होता. त्यानंतर दुसरी फेरी झाली. त्यामध्ये 100 पैकी फक्त 10 टीमची निवड करण्यात आली. यानंतर तिसऱ्या फेरीमध्ये तीन ॲपची निवड करण्यात आली.

आमच्या विद्यार्थ्यांनी हे जे ॲप तयार केले आहे, ते समाजाच्या उपयोगाचे आहे. त्याचा नक्कीच अनेक लोकांना उपयोग होईल. पण यासोबतच आमच्या महाविद्यालयासाठी ही खूप अभिमानाची गोष्ट आहे. मी त्या विद्यार्थ्यांचे खूप अभिनंदन करतो, अशी प्रतिक्रिया देवगिरी अभियांत्रिकी महाविद्यालयाचे अधिष्ठाता डॉ. सुभाष लहाने यांनी दिली.