पावसाळ्यात फंगल इन्फेक्शन होऊ नये म्हणून काय काळजी घ्यावी?, डॉक्टरांनी सांगितली महत्त्वाची माहिती

छत्रपती संभाजीनगर : पावसाळा सुरू झाला की सर्वत्र थंडगार असं वातावरण असतं. पण पावसाळा सुरू झाला की, विविध प्रकारचे आजारही होण्याची शक्यता असते. यापैकीच एक म्हणजे फंगल इन्फेक्शन किंवा स्कीनचे आजार. पावसाळ्यात हे आजार मोठ्या प्रमाणात होतात. फंगल इन्फेक्शन हे मोठ्या प्रमाणात होतं आणि त्यासोबत इतरही अनेक असे त्वचेचे आजारी होत असतात. त्यामुळे यावर नेमकी काय काळजी घ्यावी, याबाबत त्वचारोग तज्ञ डॉ. आसावरी टाकळकर यांनी माहिती दिली.

लोकल18 च्या टीमने त्यांच्याशी विशेष संवाद साधला. यावेळी त्यांनी सांगितले की, पावसाळा सुरू झाला की अनेक असे आजार होतातच. यामध्ये लहान मुलांनाही मोठे आजार हे होत असतात. पण सर्वात महत्त्वाचा आजार हा म्हणजे फंगल इन्फेक्शन आहे. अर्थात गजकर्ण यामुळे खूप त्रास होत असतो.

तर यावर उपाय म्हणजे तुम्ही सर्वप्रथम स्वच्छ आंघोळ करून घ्यावी. आंघोळ झाल्यानंतर आपले शरीर व्यवस्थितरित्या पुसून घ्यावं. कुठेही ओलं राहणार नाही, याची काळजी घ्यावी. त्यासोबतच रोज मॉइश्चरायजर लावावं. इतर कुठल्याही व्यक्तीचे कपडे किंवा टॉवेल याचा वापर करू नये. जर तुम्हाला जर तुम्हाला फंगल इन्फेक्शन झालं, तर त्वरित आपल्या जवळच्या त्वचारोग तज्ञांकडे जावं. त्यांना दाखवावे आणि त्यांच्या सल्ल्यानेच व्यवस्थितरित्या उपचार करून घ्यावे.