सकाळी कॉलेजला निघाली पण पोहोचली लॉजवर, संभाजीनगरमध्ये भररस्त्यात तरुणीसोबत भयावह कृत्य

छत्रपती संभाजीनगर: छत्रपती संभाजीनगरच्या अजिंठा पोलीस ठाण्याच्या हद्दीत एक धक्कादायक प्रकार घडला आहे. इथं एका तरुणीचं अपहरण करून तिच्यावर लैंगिक अत्याचार केला आहे. आरोपीनं पीडित तरुणीला कॉलेजच्या आवारात गाठून वडिलांना जीवे मारण्याची धमकी दिली. यानंतर तिला कारमध्ये बसवून एका लॉजवर घेऊन जात तिच्यावर लैंगिक अत्याचार केला आहे. ही घटना शनिवारी १ नोव्हेंबर रोजी घडली असून, याप्रकरणी दुसऱ्याच दिवशी, म्हणजेच रविवारी, अजिंठा पोलीस ठाण्यात गुन्हा दाखल करण्यात आला आहे.