ज्याच्यावर प्रेम केलं त्यानेच दिला दगा, संभाजीनगरात 22 वर्षीय तरुणीवर वारंवार अत्याचार, गरोदर होताच...

याच अत्याचारातून पीडित तरुणी गर्भवती राहिली. तिने आरोपीला लग्नाबद्दल विचारले असता, त्याने टाळाटाळ करण्यास सुरुवात केली. एवढंच नाही तर, त्याने तिच्यावर गर्भपात करण्यासाठी बळजबरी केली. आरोपीच्या सततच्या दबावामुळे आणि मानसिक छळामुळे तिला नको असतानाही गर्भपात करावा लागला. या घटनेनंतरही आरोपीने लग्नाबाबत कोणताही ठोस निर्णय घेतला नाही. यामुळे हताश झालेल्या तरुणीने अखेर पोलिसांत तक्रार दाखल करण्याचा निर्णय घेतला.

पीडित तरुणीने दिलेल्या तक्रारीवरून गंगापूर पोलिसांनी राजेंद्र भुसारे याच्याविरोधात बलात्कारासह गर्भपातासाठी दबाव आणि इतर कलमांतर्गत गुन्हा दाखल केला आहे. पोलीस या घटनेचा अधिक तपास करत आहेत. लग्नाचं आमिष दाखवून अशाप्रकारे तरुणीचं लैंगिक शोषण केल्याने परिसरात एकच खळबळ उडाली आहे.