संभाजीनगर हादरलं! मध्यरात्री घरात घुसून विवाहितेवर अत्याचार, मारहाणीत पतीचा मृत्यू

छत्रपती संभाजीनगर जिल्ह्याच्या सिल्लोड तालुक्यात एक धक्कादायक घटना घडली आहे. इथं दोन जणांनी मध्यरात्री घरात घुसून एका विवाहितेसोबत अश्लील कृत्य केलं आहे. आरोपी पीडितेशी लगट करत असताना मध्ये पडलेल्या पतीला देखील आरोपींनी मारहाण केली. मारहाणीदरम्यान पतीला हृदयविकाराचा झटका येऊन त्यांचा मृत्यू झाला. ही धक्कादायक घटना शुक्रवारी रात्री सिल्लोड तालुक्यातील एका गावात घडली. याप्रकरणी पीडित महिलेच्या तक्रारीवरून सिल्लोड ग्रामीण पोलीस ठाण्यात गुन्हा दाखल करण्यात आला आहे.