Blood Pressure ची समस्या, आता चिंता नको, सर्वात आधी हे काम करा, मिळेल आराम

छत्रपती संभाजीनगर : आजकालच्या जीवनशैलीमुळे अनेक लोकांना रक्तदाबाच्या समस्येचा सामना करावा लागत आहे. तसेच यामुळे अनेक समस्या होत असतात. ज्या लोकांना कमी रक्तदाब किंवा उच्च रक्तदाब असेल अशा व्यक्तींचा आहार हा चांगला असावा. म्हणून अशा लोकांनी नेमकं काय खावं किंवा काय खाऊ नये, हे जाणून घेण्यासाठी लोकल18 च्या टीमने आहारतज्ज्ञ मंजू मठाळकर यांच्याशी संवाद साधला. यावेळी त्यांनी याबाबत महत्त्वाची माहिती दिली.

ज्या लोकांना कमी रक्तदाब किंवा उच्च रक्तदाबाचा त्रास आहे. अशा व्यक्तीने सर्वप्रथम आपल्या डॉक्टरांचा सल्ला घ्यावा. तसेच त्यानुसार औषधी घ्याव्या. सर्वप्रथम ज्यांना रक्तदाबाचा त्रास आहे, अशा व्यक्तींनी आपल्या आहारामध्ये मिठाचे प्रमाण हे योग्य असायला हवे आहे. प्रत्येक व्यक्तीने दररोज फक्त पाच ग्रॅम एवढेच मिठाचे सेवन करायला हवे. मिठामुळे रक्तदाबाचा त्रास हा वाढतो. त्यामुळे 5 ग्रॅमच्या वर मीठ हे खाता कामा नये. त्यानंतर दिवसभरामध्ये भरपूर प्रमाणात पाणी प्यावे. 2 ते 3 लीटर किमान पाणी हे प्रत्येक व्यक्तीने प्यायलाचं हवं.