वयाच्या 68 व्या वर्षी अभिनेत्रीची पहिल्यांदाच मराठी मालिकेत एंट्री! तरुण नायिकांवर भारी पडणार 'बाई आजी'

मराठी टेलिव्हिजनच्या सगळ्या तरुण नायिकांना तगडी स्पर्धा देण्यासाठी 68 वर्षांची तरुण अभिनेत्री येत आहे. येऊदे कितीही अडचणीचं वारं... 'मी जिंकून घेईन सारं' म्हणत ही अभिनेत्री प्रेक्षकांच्या भेटीला येत आहे. ज्येष्ठ अभिनेत्री भारती आचरेकर या पहिल्यांदाच मराठी मालिकेत दिसणार आहेत. मी जिंकून घेईन सारं ही त्यांची नवी मालिका लवकरच प्रेक्षकांच्या भेटीला येत आहे. मालिकेतील त्यांची भूमिका जबरदस्त असून इतर मालिकांच्या तुलनेत नक्कीच वेगळी ठरणार आहे. भारती आचरेकर यांच्याभोवती ही मालिका फिरत असून त्या दमदार भूमिकेत दिसणार आहेत.  वयाच्या 68 व्या वर्षी भारती आचरेकर पहिल्यांदा मराठी मालिकेत काम करत आहेत. इतर तरुण नायिकांवर त्या नक्कीच भारी पडतील अशी प्रेक्षकांना अपेक्षा आहे.