Iran War : इराणच्या ड्रोन हल्ल्यात मुंबईकर इंजिनिअरचा मृत्यू, अमेरिकेच्या जहाजावर होते तैनात, कांदिवलीवर शोककळा!

मुंबई: अमेरिका-इस्रायलने इराणविरोधात सुरू केलेल्या युद्धाला १४ दिवस झाले आहेत. इराणने दोन्ही देशांच्या हल्ल्याला जोरदार प्रत्युत्तर दिले आहे. अमेरिकन लष्करी तळांवर हल्ला करण्यासह इराणने जगाची इंधन कोंडीचे प्रयत्न सुरू केले आहेत. होर्मुझच्या सामुद्रधुनीतून जलवाहतूक करण्यास इराणने बंदी घातली आहे. तरीदेखील त्याचे उल्लंघन करणाऱ्या तेलवाहू टँकरवर इराणने हल्ले केले आहेत. अशाच एका हल्ल्यात भारतीयाचा मृत्यू झाला आहे. इंजिनिअर असलेले देवनंदन प्रसाद सिंह हे मुंबईतील रहिवासी असल्याची माहिती समोर आली आहे. ते अमेरिकन जहाजावर काम करत होते.