पळून जावून लग्न केलं, नवऱ्यानं सोडलं; तिच्यासोबत नको ते घडलं, पण संभाजीनगरात येताच आयुष्य बदललं!

छत्रपती संभाजीनगर: उत्तर प्रदेशातील बलरामपूरची ज्योती दुबे (वय 26) हिचे आयुष्य अचानक वादळात सापडले. प्रेमविवाह करून हरियाणात संसार थाटलेल्या ज्योतीच्या आयुष्यात काही वर्षे सुखाची गेली; मात्र नंतर संसारात मतभेद वाढत गेले आणि अखेर नवऱ्याने तिला दोन लहान मुलांसह वाऱ्यावर सोडले. पदरात दोन लेकरं आणि पोटात तिसरे बाळ अशा अवस्थेत जगण्यासाठी झगडणारी ज्योती कामाच्या शोधात रेल्वेने छत्रपती संभाजीनगर शहरात येऊन पोहोचली.