Siddharth Udyan: सिद्धार्थ उद्यानात घुमणार सिंहगर्जना! 3 वाघ जाणार अन् जंगलाचा राजा येणार

केंद्रीय प्राणीसंग्रहालय प्राधिकरणाने महापालिकेच्या सिद्धार्थ उद्यान प्राणीसंग्रहालयातील आणि शिवमोग्गा प्राणीसंग्रहालयातील प्राण्यांची देवाण-घेवाण करण्यासाठी मंजुरी दिली आहे. त्यानुसार सिद्धार्थ उद्यान प्राणीसंग्रहालयातील एक वाघ आणि दोन वाघिणी शिवमोग्गा प्राणीसंग्रहालयात पाठविण्यात येणार आहेत. तर तेथील सिंह, अस्वल आणि कोल्ह्यांची जोडी सिद्धार्थ उद्यान प्राणीसंग्रहालयात आणण्यात येणार आहे.

नुकतेच शिवमोग्गा प्राणीसंग्रहालयाचे दोन अधिकारी सिद्धार्थ उद्यान प्राणीसंग्रहालय येथे येऊन वाघांची पाहणी करून गेले. त्यानंतर उद्यान अधीक्षक विजय पाटील यांच्यासह संजयन नंदन यांनी शिवमोग्गा प्राणीसंग्रहालयात जाऊन महापालिकेला हव्या असलेल्या सिंहासह इतर प्राण्यांची पाहणी केली. त्यामुळे लवकरच वाघ आणि सिंहाची देवाण-घेवाण होणार असून छत्रपती संभाजीनगरकरांना जंगलचा राजा पाहता येणार आहे.