5 वर्षांपूर्वी सुरूवात, तरुणांकडून रावबली जाते स्वच्छतेची मोहीम, ‎‎संभाजीनगरमधील अनोखा उपक्रम काय?

छत्रपती संभाजीनगर : शहरात स्वच्छतेचा संदेश देत एक तरुणांचा गट गेल्या पाच वर्षांपासून सातत्याने कार्यरत आहे. संभाजीनगर फ्लॉगर्स या नावाने ओळखला जाणारा हा ग्रुप दर रविवारी शहरातील विविध भागांमध्ये साफसफाईची मोहीम राबवत आहे. दर रविवारी सकाळी साडेसहा वाजता हा ग्रुप ठरलेल्या ठिकाणी एकत्र येतो. त्यानंतर शहरातील रस्ते, बागा, ऐतिहासिक स्थळे तसेच विविध सार्वजनिक ठिकाणी जमा झालेला कचरा गोळा करून परिसर स्वच्छ करण्याचे काम ते करतात.