Jalgaon: मनी हाईस्ट सीरिजला लाजवेल अशी जळगावात घटना, 6 मिनिटांमध्ये केलं कांड, पोलीस CCTV पाहतच राहिले

एटीएम मशीन घेऊन चोर फरार झाले होते. सकाळी हा सगळा प्रकार समोर आला. त्यानंतर पोलिसांनी सगळीकडे तपास सुरू केला असता जळगाव शहरापासून काही अंतरावर असलेल्या कंडारी गाव परिसरातील जंगलात चोरून नेलेले एटीएम मशीन मिळून आलं.  एमटीएम मशीन सापडले मात्र मशीन मधील दहा लाखांची रोकड चोरट्यांनी लाबविल्याची माहिती समोर आली आहे. एटीएम मशीन फोडण्यात आलं होतं. चोरांनी मोठ्या शिताफीने चोरी केल्यामुळे सर्वत्र खळबळ उडाली आहे.   घटनेची माहिती मिळाल्यावर पोलीस यंत्रणा कामाला लागली आहे. शहरात ठिकठिकाणी नाकाबंदी करण्यात आली आहे. एक पथक तयार करून चोरांचा शोध घेतला जात आहे.  चक्क एटीएम मशीन चोरून नेल्याच्या या घटनेनं पोलिसांच्या गस्तीवर आणि कामावर प्रश्न चिन्ह उपस्थित होत आहे. या प्रकरणाचा अधिक तपास पोलीस करत आहे.