अलका याज्ञिक सारखा आजार होऊ नये, यासाठी काय काळजी घ्यावी?, डॉक्टरांनी दिली महत्त्वाची माहिती..

छत्रपती संभाजीनगर : सुप्रसिद्ध गायिका अलका याज्ञिक यांना एक आजार झालेला आहे, ज्यामळे त्यांना अचानक दोन्ही कानाने ऐकू येणं बंद झालेलं आहे. 'रेयर सेंसरी न्यूरो नर्व हियरिंग लॉस’ असे या आजाराचे नाव आहे. या आजारामुळे अचानकपणे दोन्ही कानातून ऐकणे बंद होते. तर हा आजार आपल्याला होऊ नये, यासाठी आपण काय काळजी घ्यावी काय उपाययोजना कराव्यात याविषयी ज्येष्ठ कानतज्ञ डॉक्टर रमेश रोहीवाल यांनी सविस्तर माहिती सांगितलेली आहे.

लोकल18 शी बोलतान त्यांनी सांगितले की, अलका याज्ञिक यांना रेयर सेंसरी न्यूरो नर्व हियरिंग लॉस’ हा कानाचा आजार झालेला आहे. यामुळे अचानक ऐकू येणे बंद होते. हा आजार अचानक पद्धतीने होत नाही, असं डॉक्टरांचे म्हणणं आहे. सर्वप्रथम तर आपण आपल्या कानाची व्यवस्थित काळजी घ्यायला हवी. सगळ्यात महत्त्वाचं म्हणजे सतत हेडफोन लावून गाणे ऐकू नये.

नियमितपणे आपल्या कानाची तपासणी ही करायलाच हवी. तुम्हाला जर सर्दी वगैरे झाले तरी सुद्धा तुम्ही लवकरात लवकर डॉक्टरांकडे जाऊन संपर्क करावा. कारण, साध्या सर्दीनेसुद्धा हा आजार होण्याचे प्रमाण मोठे आहे. मोठ्या आवाजात जाणे टाळावे जास्त मोठ्याने गाणे ऐकू नये. त्याच पद्धतीने जर तुम्हाला ऐकू येत नसेल तर तुम्ही कोणतीही घरगुती उपाय करू नयेत किंवा कानामध्ये कोणताही ड्रॉप किंवा काही एक टाकू नये. सरळ डॉक्टरांकडे जावं आणि यावरती इलाज घ्यावा.