Devendra Fadnavis : अर्थ खात्याचा पदभार हाती येताच सीएम फडणवीस अ‍ॅक्शन मोडमध्ये, नवे आदेश काय?

मुंबई : उपमुख्यमंत्री आणि अर्थ मंत्री अजित पवार यांच्या निधनानंतर मुख्यमंत्री देवेंद्र फडणवीस यांच्याकडे अर्थ खात्याचा पदभार आला. राज्याच्या वित्त विभागाची सूत्रे हाती घेताच मुख्यमंत्री देवेंद्र फडणवीस अ‍ॅक्शन मोडमध्ये आले आहेत. सरकारी तिजोरीवरील वाढता ताण लक्षात घेऊन प्रशासनात काटकसरीचे धोरण लागू केले आहे. आर्थिक वर्ष संपत असताना केवळ निधी खर्च करण्यासाठी होणाऱ्या 'मनमानी' खरेदीवर मुख्यमंत्र्यांनी चाप लावला असून येत्या १५ फेब्रुवारीपासून नव्या खरेदीवर आणि निविदांवर (Tenders) कडक बंदी घालण्याचे आदेश दिले आहेत.