Navratri 2025: नवरात्रीत तुळजाभवानीचं दर्शन महागलं! मंदिर प्रशासनाच्या प्रसिद्धीपत्रकाने गोंधळ

बालाजी निरफळ, प्रतिनिधी धाराशिव: हिंदू धर्मात चैत्र आणि शारदीय नवरात्री उत्सव मोठे सण म्हणून साजऱ्या केल्या जातात. थोड्याच दिवसात शारदीय नवरात्रीतीला सुरुवात होणार आहे. यावर्षी, 22 सप्टेंबरपासून (सोमवार) शारदीय नवरात्रीला सुरुवात होत आहे. नवरात्रीच्या काळात घटस्थापना करून देवीची आराधना केली जाते. नवरात्रीत महाराष्ट्रातील साडेतीन शक्तीपीठांच्या ठिकाणी भाविकांची प्रचंड गर्दी होते. अशातच आता तुळजापूर देवस्थानातून एक महत्त्वाची बातमी समोर आली आहे. नवरात्रौत्सवाच्या कालावधीत तुळजाभवानीचं दर्शन महागलं आहे. मंदिर संस्थानाने नवरात्र महोत्सवाच्या कालावधीत दर्शन फी दुप्पट केली आहे.