50 वर्षांपासून गुजराती कुटुंब महाराष्ट्रात जोपासतेय गरब्याची परंपरा, धाराशिवमध्ये असतो अनोखा सोहळा

खरेतर गरबा हा शारदीय नवरात्र महोत्सवात सादर होणारा एक पारंपारिक नृत्य प्रकार आहे. भारतातील गुजरात प्रांतात हा प्रकार शारदीय नवरात्र महोत्सवाच्या काळात विशेषत्वाने खेळला जातो. महिलांच्या सर्जनशक्तीच्या म्हणजेच नवनिर्मितीच्या क्षमतेशी संबंधित हा उत्सव आहे. शारदीय नवरात्रौत्सवात गरबा नृत्यात मध्यभागी घडा ठेवला जातो. या मातीच्या घड्याला छिद्र पाडली जातात आणि त्यामध्ये दिवा प्रज्वलित केला जातो. या घड्याभोवती महिला व मुली फेर धरतात आणि देवीची स्तुती पर गीते म्हणून पारंपारिक नृत्य करतात.