सत्ता जाणार म्हणून जातीपातीत तेढ निर्माण करण्याची शेवटची खेळी, जयंत पाटील यांचा हल्लाबोल

शिरपूर विधानसभा मतदारसंघात शिवस्वराज्य यात्रा आली होती. या भागातील लोकांना आता बदल हवा आहे. माणसाने आयुष्यात काहीही बदलावं पण विचार बदलू नये. या मतदारसंघात मोठे नेते आहेत. पण विचार बदलल्यानंतर या भागातल्या लोकांना त्यांची खरी ओळख झाली. ज्या विचारावर आपली प्रगती झाली तो विचार कधी सोडता कामा नये, असे जयंत पाटील म्हणाले.

आपली सत्ता जाणार आहे, त्यामुळे शेवटची खेळी खेळायची म्हणून जातीपातीत तेढ निर्माण करून काहीतरी गोंधळ निर्माण करण्याचा सत्ताधाऱ्यांतर्फे करण्यात येत असल्याचा आरोप देखील जयंत पाटील यांनी यावेळी केला आहे. मुख्यमंत्री पदाच्या चेहऱ्यावरून महाविकास आघाडीतील सर्वच नेत्यांना बोलण्याचा अधिकार आहे. महाविकास आघाडीत आम्ही एकमेकांवर बंधन घालत नाहीत. मत वेगवेगळी असली तरी देखील आम्ही एकत्र आहोत असे मत जयंत पाटील यांनी यावेळी व्यक्त केले आहे.