Dombivali Accident : महापालिकेच्या गाडीने वृद्ध महिलेला चिरडलं,अपघाताची थरार घटना CCTVत कैद

डोंबिवली पूर्वेतील छेडा रोड परिसरात सायंकाळी 5.30 ते 6 च्या दरम्यान हा अपघात घडला आहे. कल्याण डोंबिवली महानगरपालिकेचे पथदिवे दुरुस्तीचे काम एस. एस. इलेक्ट्रिक कंपनीला देण्यात आले आहे. या कंपनीची पथदिवे दुरुस्ती करणारी गाडी या रस्त्याने जात असताना समोर चालणाऱ्या वृद्ध महिलेला गाडीने ठोकल्याची घटना घडली होती.यावेळी गाडीच्या समोरच्या चाकाखाली महिला आल्याने त्या गंभीर जखमी झाल्या होत्या.त्यामुळे त्यांना तात्काळ खासगी रुग्णालयात हलविण्यात आले होते. मात्र उपचारा दरम्यान महिलेचा मृत्यू झाल्याची बाब झाल्याची माहिती आता समोर आली आहे.

या घटनेनंतर स्थानिक नागरिक राहुल म्हात्रे,रोहन म्हात्रे, रितेश गोईल, विशाल कराळे, अमेय बांदेकर यांनी चालकाला रोखून ठेवले होते. विशेष म्हणजे या घटनेनंतर वाहन चालकाने महिलेला रुग्णालयात दाखल करण्याची तसदी देखील दाखवली नसल्याची माहिती आहे. याउलट तो घटनास्थळी गाडीतच बसला होता. ही घटना स्थानिकांनी पाहिल्यानंतर तत्काळ हालचाली करत अपघातग्रस्त महिलांच्या मुलाला बोलावून घेतलं.त्यानंतर महिलेला जवळच्या रुग्णालयात दाखल करण्यात आले आहे.