Shiv Sena Shinde Alliance With MIM: परळीत एमआयएमसोबत शिवसेनेची हातमिळवणी, एकनाथ शिंदेंची पहिली प्रतिक्रिया, ''एमआयएम...''

परळी नगरपरिषद निवड जिल्हाधिकारी बीड यांच्या उपस्थितीत करण्यात आली. यामध्ये राष्ट्रवादी काँग्रेस पार्टी व मित्र पक्षाच्या गटनेतेपदी नगरसेवक आणि राष्ट्रवादीचे तालुकाध्यक्ष वैजनाथ सोळंके यांची निवड करण्यात आली. नव्याने स्थापन झालेल्या गटात नगराध्यक्ष व राष्ट्रवादी काँग्रेस अजित पवार गट -16 , शिवसेना शिंदे गट - 2,एमआय एम - 1,अपक्ष - 4 अशा 24 जणांचा समावेश आहे. या मित्र पक्षांमध्ये एमआयएमच्या नगरसेविका शेख आयशा मोहसीन यांचा समावेश असून उर्वरित सदस्यांमध्ये अपक्ष, राष्ट्रवादी काँग्रेस अजित पवार गट, आणि शिंदे सेना यांच्या नगरसेवकांचा समावेश आहे

भाजपचा गट स्वतंत्र एककीडे अजित पवार गट आणि शिंदे सेना यांनी एमआयएमला सोबत घेऊन गट स्थापन केला असताना, भारतीय जनता पक्षाने (BJP) मात्र यापासून अंतर राखत आपला स्वतंत्र गट कायम ठेवला आहे.

एमआयएमसोबत युती केल्याने देशभरात भाजपच्या निर्णयावर चर्चा सुरू असताना दुसरीकडे शिंदे गटानेही केलेल्या युतीची चर्चा सुरू झाली आहे. विरोधकांनी शिंदे गटाला घेरताना आता कुठं हिंदुत्व असा सवाल केला आहे. शिवसेना शिंदे गटाने एमआयएमसोबत केलेली युती ही राज्यात चर्चेची विषय ठरली आहे.

पुण्यात शिवसेना शिंदे गटाच्या उमेदवारांच्या प्रचारासाठी उपमुख्यमंत्री एकनाथ शिंदे यांनी जाहीर सभा घेतली. या सभेनंतर शिंदे यांनी माध्यमांशी संवाद साधला. परळीतील राजकीय घडामोडीवर विचारले असता त्यांनी एका वाक्यात उत्तर दिले. शिंदे यांनी कोण एमआयएम असा उलट सवाल करत अधिक भाष्य करणे टाळले.